Жилд ганц тохиолдох хийморийн буулттай өдрүүд
Хулгана, Луу, Бич жилтнүүдэд Пүрэв гаригт модон бар өдөр тараах аваас жилд ганц тохиох хийморийн буулттай өдөр гэж үзнэ.
Үхэр, Могой, Тахиа жилтнүүдэд Даваа гаригт харагчин үхэр өдөр тараах аваас жилд ганц тохиох хийморийн буулттай өдөр гэж үзнэ.
Бар, Морь, Нохой жилтнүүдэд Баасан гаригт цагаан бич өдөр тараах аваас жилд ганц тохиох хийморийн буулттай өдөр гэж үзнэ.
Туулай, Хонь, Гахай жилтнүүдэд Ням гаригт улаачин могой өдөр тараах аваас жилд ганц тохиох хийморийн буулттай өдөр гэж үзнэ.
Ийм учрал бүрдсэн өдөр жилд ганц л удаа тохиолдох бөгөөд эл өдөр хийморио сэргээх, гол мөрөн, лус савдаг аргадах, тахилгатай овоонд гарч сан тавьж хийморио сэргээх, ажил үйлс шинээр эхлэх зэрэгт түмэн өлзий, мянган учрал бүрдсэн хүслийг хангагч зэндмэнь эрдэнэ мэт юу санасан ч сэтгэлчлэн бүтнэ гэж сударт бичжээ.
Энэ шороон үхэр жилийн хийморийн буулттай өдрүүд нь:
Бар, Морь, Нохой жилтний хийморийн буулт 2009-05-15 цагаан бич өдөр
Үхэр, Могой, Тахиа жилтний хийморийн буулт 2009-03-09 харагчин үхэр өдөр
Хулгана, Луу, Бич жилтний хийморийн буулт 2009-11-05 хөх бар өдөр
Туулай, Хонь, Гахай жилтний хийморийн буулт 2009-11-08 улаагчин могой өдөр
No comments:
Post a Comment